انفردت قناة او تي في اللبنانية التابعة للتيار العوني بنشر ما أسمته” فضيحة عقاب صقر وسعد الحريري” وفيها تسجيلات صوتية تكشف تمويل الشخصيتين اللبنانيتين البارزتين للمقاتلين في سورية ضد نظام بشار الأسد.
في ما يلي، نص التسجيل الأول المنقول عن صحيفة “الاخبار”، لاتصال بين النائب عقاب صقر وأحد قادة المعارضة السورية المسلحة واسمه “ابو النعمان” :
أبوالنعمان: “السلام عليكم”.
عقاب صقر: “وعليكم السلام تفضل”.
أبو النعمان : “يا أستاذ عقاب نحن جماعة مزنوئين كتير ومحاصرين ، ويعني ما في يوم يومين بتسقط المنطقة عنّا يعني قصف طيران ومدفعية فوزديكا ما في محور من المحاور الا وعمبيضربونا منو فرجاء ساعدونا بدنا سلاح”.
عقاب صقر:” تفضل قلّي السلاح اللي بدك شو يعني تحديداً شو الكميات؟” .
أبو النعمان: “يعني الحقيقة بدنا شي 300 حبة آر بي جي وعشرين قاذف واذا امكن توفير 250 ألف طلقة روسية ، و300 بارودة على سلاح نوعي اذا في مجال”.
عقاب صقر: “كل هول لأي منطقة بدكن ياهن تحديداً”؟
أبو النعمان: “أعزاز تل رفعت عندان وريف حلب بالكامل وانت عرفان شو عمبيصير عنّا يعني. من مبارح صار فايتين علينا من ثلاث محاور تقريبا من ادلب (…) ومن جوا حلب عمبيطلعولنا شبيحة” .
عقاب صقر:” طيب مين بدو يستلم وين بدو يصير التسليم كيف بدا تتم العملية؟ “.
أبو النعمان:” هو التسليم متل العادة بيقسموهن… بيكون هونيك أبو البراء مع الشباب والسيارات بيستلموهن وبوجهن على حلب ، بس بدنا بأسرع وقت ممكن لأنو بتعرف الحاجة كبيرة والقصف شغال والمجاميع مفرقة ذخيرة ما في ، يعني الشباب كل واحد يا دوب معاه مخزن مخزنين وبتعرف الاستهلاك كبير فدبرونا بأي طريقة من الطرق الله يخليك . ما بعرف شو بدي قلك ما في من بعد الله الاّ غيركن ” .
عقاب صقر: “إنت رح تكون على التسليم؟” .
أبو النعمان:”لا أخوي بيكون أبو النور مع الشباب والسيارات متل العادة بيستلموا منك . “
واكد المصدر الذي أعطى التسجيلات لصحيفة “الأخبار” ، وهو شاب يعمل مع النائب صقر في غرف العمليات التي أنشئت خصيصا لدعم الثورة السورية ، بان هناك علاقة وطيدة تربط صقر بخاطف الزوار اللبنانيين المدعو ابو ابراهيم ، كاشفا عن أن مخصصاً شهرياً يُدفع لابو ابراهيم قدره خمسون ألف دولار اميركي ، وان شبانا من مكتب صقر كانوا سلموه المال باليد .
الجزء الثاني : نص التسجيل الثاني لإتصال بين النائب عقاب صقروأحد قادة المعارضة السورية المسلحة
نص التسجيل الثاني لإتصال بين النائب عقاب صقر و لؤي المقداد و شخصمجهول وأحد قادة المعارضة السورية المسلحة حرفياً كما نشرته صحيفة الأخباراللبنانية اليوم
التسجيل الثاني : المطلوب سلاح نوعي
مجهول: ألو
عقاب صقر : ألو
مجهول: اي خيي
عقاب صقر : اي
مجهول: شو المطلوب شو لازمو ؟
عقاب صقر : المطلوب رشاشات و رصاص بي كي سي وقذائف اّر بي جي سلاح نوعي لحلب و ريف حلب و منطقة ادلب
مجهول: اي مناطق تحديدا
عقاب صقر : حلب و ريف حلب . اعزاز و المناطقالمحاصرة . بادلب مناطق محاصرة مجموعة مناطق عمبتتعرض لهجوم شرس حاليا و بأسرع وقتممكن لازم تأمين هيدي الطلبية
مجهول: طيب بس شو النوعي تحديدا
عقاب صقر : ما عرفت . ما في شي محدد بس الطلبيةمبدئيا مضاد طيارات و مضاد دبابات مع السلاح العادي أو الخفيف و المتوسط
مجهول: ماشي ماشي
التسجيل الثالث : صقر و المقداد في غرفة العمليات
أبو رشاد(مسؤول الامداد في حماه وريفها): السلامعليكم
لؤي المقداد(الناطق الرسمي باسم المجلس الأعلى للجيشالحر): أهلا أهلا حبيبي وعليكم السلام كيفك؟
أبو رشاد: استاذ لؤي؟
لؤي: ايه طمّني عنكم كيفك؟
أبو رشاد: كيف الصحة؟
لؤي: الله يخليك ويسلمك شو الأخبار عندك؟
أبو رشاد: وينكن انتو؟
لوي: ايه أخي نحنا موجودين بغرفة أنا والأستاذعقاب والشباب كلن هون. طمّني كيف الوضع عندك؟
أبو رشاد: منيح عقاب جنبك لأنو حالتنا بالويل يعنيالحالة كتير ملحّة كتير كتير كتير ما بتتصور واشتباكات قوية والقصف مشتد عليناكتير
لؤي: طيب طيب هيدا كلنا سمعانينك وهاي الأستاذعقاب سمعانك
عقاب صقر: وضعكن شو ساء أكتر؟ اكتر من مبارحواليومين الماضيين
أبو رشاد: والله كتير اشتد القصف علينا واشتباكاتوالوضع كتير ملحّ بحاجة كتير ملحّة للمساعدة
عقاب صقر: طيب وين بحماه انت؟ انت بادلب وين؟
أبو رشاد: حماه وادلب
عقاب صقر: هلق المطلوب تزيد الكميات يعني الكمياتمنّا كافية؟
أبو رشاد: ايه ايه زيدو الكميات
المقداد(يتحدث إلى صقر داخل الغرفة): شو رأيكمنزيد الكميات؟
عقاب صقر: لا لا منزيد الكميات
عقاب صقر(متحدثاً إلى أبو رشاد): أنا أبو رشاداجاني كتير تقارير كمان من جوا من عدد من الشباب، عمبيقولو نفس الشي انوبهالمنطقتين الوضع بدو يزيد. أنا هلأ حا وجّه الشباب تزيد الكميات بأكبر قدر ممكنلأنو عارف وضعكن انتو كتير ضعاف
لؤي: هلأ فوراً رح ننزلكن على الجداول. هلأ فوراًالشباب رح يزيدوكن على الجداول ولا يهمكن
التسجيل الأخير لعقاب صقر: “الرئيس الحريري جانن جانن.. وبالسعودية متابعين”
هذا ما جاء بالتسجيل الذي ورد في النسخة الورقية من جريدة الأخبار اليوم ويدور بين النائب عقاب صقر والمدعو ” لؤي المقداد” ومحور الحديث هو الرئيس سعد الحريري :
عقاب صقر : ألو
لؤي المقداد : أي عقاب
عقاب صقر : اي لؤي خلّيك معي دقيقة (عقاب يتحدث مع شخص اخر على الهاتف ): ألو اي ، لا لا رح تنحل رح تنحل رح تنحل ، عم نتابعها ، عرفت عرفت ، و بالسعودية وكلون متابعين. لا حتنحسم انشا الله هيدي حتنحسم علأكيد . يلا يلا منتواصل ، طيب طيب ، بحطك بالجو لحظة بلحظة ، الله معك الله معك .
عقاب صقر : الو الو ، اي لؤي
لؤي المقداد : اي حبيب شو في ؟
عقاب صقر : خربانة خربانة عالاخر
لؤي المقداد : مين هاد الشيخ سعد ؟
عقاب صقر : الرئيس الحريري جانن جانن بدو يحسم بأي طريقة لازم تنحسم
لؤي المقداد : يا عمي أنا اليوم
عقاب صقر : حكيت معون شو قالولك ؟
لؤي المقداد : حكيو معي اليوم شي عشر مرات نفس الاحتياجات و أقل شي بدن ذخيرة متوسطة يعني
عقاب صقر : ذخيرة متوسطة ؟
لؤي المقداد : اي أقل شي ، انت حطيت الشيخ سعد بالصورة ؟
عقاب صقر : حطيتو بالصورة ، و صدق ما عم ينام ، لحظة بلحظة ثانية ثانية عم يتابع ، و بدو يحسمها بأي طريقة و عم يقلي هي تحديدا لازم تنحسم ، ما في أي ماجيل للفشل
لؤي المقداد : عقاب في مشكل انو اللي عم بيعانو منو انو يا اخي المنطقة بتسقط و اذا سقطت المنطقة بالنسبة الهن يعني متل دومينو بتسقط كل المناطق المحيطة ، عرفت ؟
عقاب صقر : يا اخي أنا فهمان هيدا الشي . بس عم قلك حكيت مع دولتو عم بيقول بدنا نحسمها و ما فتنا بالتفاصيل و ما بدنا نفوت نحنا بالتفاصيل ، نحنا عنا قضية بدنا نحسما و نخلص و تنتهي.
إعداد : موقع روش
فضيحة عقاب صقر وسعد الحريري http://pixel.quantserve.com/pixel/p-89EKCgBk8MZdE.gif
No comments:
Post a Comment